काठमाण्डौ, ३० जुलाई, १४ साउन / एमाले अध्यक्ष झलनाथ खनालले ब्यवस्थापिका संसदमा दर्ता गराउनु भएको प्रधानमन्त्रीको उम्मेद्धारी फिर्ता लिइएको बिषयमा परेको रिटलाई सर्वोच्च अदालतले खारेज गरी दिएको छ ।
सो रिटमाथि दुइ दिनसम्म सुनवाई गरेपछि सर्वोच्चले रिट हेर्न नमिल्ने भन्दै खारेज गरेको हो ।
खनालका प्रस्तावक रहनु भएका काम चलाउ सरकारका प्रधानमन्त्री तथा एमालेका बरिष्ठ नेता माधवकुमार नेपालले गत साउन ५ गते पार्टी निर्णय अनुरुप ४ सय १ सभासदको लिखित समर्थन प्राप्त नभएको भन्दै उम्मेद्धारी फिर्ता लिनुभएको थियो ।
३ सय ९१ सभासदले समर्थन गर्ने पत्र पाएपछि पनि एमालेले संबिधान बिपरित गइ खनाललाई उम्मेद्धार हुनबाट बञ्चित गराएको र पार्टीनि निर्णय संबिधान भन्दा माथि नहुने भन्दै एमाले निकट कानून ब्यवसायी अधिबक्ता भविश्वर गुरुङ र कुमार शर्मा आचार्यले मंगलवार सर्बोच्चमा रिट दायर गर्नुभएको थियो ।
