कोरिया, २६ जुलाई / उत्तर कोरियाले आवश्यक परे अमेरिका र दक्षिण कोरियाविरुद्ध परमाणु हतियारको प्रयोग गर्ने चेतावनी दिएको छ।
उत्तर कोरियाले परमाणु हतियारको प्रयोग हाल अमेरिका र दक्षिण कोरियाविच भैरहेको संयुक्त शैन्य अभ्यासको जवाफमा हुने समेत बताएको छ।
गत मार्च महिनामा दक्षिण कोरियाको युद्धपोत उत्तर कोरियाले डुबाएको अन्तरराष्ट्रिय जाँचकर्ताहरुले बताएपछि दुवै कोरियाविचको तनाव बढेको छ।
उत्तर कोरियाले दक्षिण कोरियाको युद्धपोत आफूले डुबाएको भन्ने आरोपलाइ कडा शब्दमा खारेज गरिसकेको छ। कोरियाली प्रायद्धिपको जल क्षेत्रमा गत आइतवारदेखि अमेरिका र दक्षिण कोरियाले संयुक्त रुपमा शैन्य अभ्यास शुरु गरेका हुन्।
चीनले समेत क्षेत्रीय सुरक्षा र स्थिरतालाइ उत्तेजक बनाउन खोजिएको भन्दै सो शैन्य अभ्यासको आलोचना गरेको छ। उता अमेरिकाले आफू उत्तर कोरियाको आक्रामक गतिविधीलाइ अंकुश लगाउनको लागि सो शैन्य अभ्यासलाइ संचालनमा ल्याइएको बताएको छ।
